Ni eta haiek,
haiek eta ni,
haiek,
ba haiek
ni, onik gabe, txiro, gaixo, kolpatuta eta abar
arriskuaren aurrean bakarrik egon nadila nahi duten bitartean,
haiek,
ni eta haiek,
haiek eta ni,
nik,
ba nik
haiek txarrik gabe, aberats, babestuta eta abar
segurtasunaren aurrean lagunartean egon ez daitezela nahi izaten,
nik,
haiek eta ni,
ni eta haiek.
Bakarrik nagoenean
bakarrik nagoela sentitu arren
lagunarte bikainarekin banengo sentitzen naiz,
ni nirekin,
bakarrik nagoenean,
eta
lagunartean nagoenean
lagunartean nagoela sentitu arren
nire bakardade hobeezinarekin egongo banintz bezala senti naiteke,
ni nirekin,
lagunartean nagoenean.
Bi gehi bi
lau,
bi gehi bi,
baina
lau gehi hiru
bat izan daiteke,
lau gehi hiru.
Gerraz gerran garaitu gintuzten,
nahiz eta bitxia den arren oraindik gu garaitzeko nahiekin eta eraso guztiekin dabiltzan,
baina,
gerraz gerran garaitu bagintuzten ere
eta beraz
gerra irabaztea badakiten zer den,
ez dakite bakea galtzea zer izan dakiekeen
eta bakea galduko balute,
bakea galtzeaz gain agian ere gerraz gerran garaitu izanaz ere damutuko dira.
Naizena
azaleratu ez dadin
ni erailtzeko prest bazaudete,
naizena eta zaretena
azaleratzeko
nire bizitza emateko prest nago.
Erantzunaren
zain baldin bazaudete,
ez eta kito.
Idazteagatik
hiltzen gaituzte
eta
hilduak izateagatik
idazten dugu.
Frontoiko harmailan
gorrira apustua egin
eta irabazi.
Langilea naizenez lanegunetan
txarto ordaintzen nauen jabearen
peoi bat baino ez naiz
eta olerkaria naizenez egun oroetan
ez ordainik ez jaberik gabe
jabe bat baino ez naiz
eta politikaria ez naizen arren
nire jabeak direla uste dutenak
jaberik ez dudanean eta nire jabe naizenean
politikaren xake mahaian
aurkako erregeari xake mate emango dion peoia
izan nadila nahi dute
beraiek partida edo jokoa irabazteko.
Ba, jai daukate!
Batzuek estatu gizon hoberenak
eta besteek
alderdi gizon hobereneak direla usteaz gain
politikari hoberenak direla uste dute ere
eta egia esanez
ez estatu gizon ez alderdi gizon ez politikari hoberenak dira,
xakean ez daukatelako ideiarik ez
eta ideiak aurreikusten zaizkielako.
GILLERMO ANSORENA 