Yearly Archives: 2022

Behar zaitugu eta

Inkonpetentzia eta dependente izatea
zer den jakin nahi baduzu,
afiliatu zaitezke edozein alderdi politikoan,
baina
konpetentzia eta independentzia izatea
zer den jakin nahiko bazenu,
lagundu gaitzazu iraultza egiten.

Jakiten joan daitezen

Galdu nindutenentzako

ez nago prest irabazteko

eta galdu nahi nautenen kontra

ez nago prest galtzeko,

baina

nahi ez dudan medaila

itsasoaren hondora bota ezazu

norbaitek aurpegi gogorraz bereganatu baino lehen.

Anarkistok

Gera zaitezkete zuen Jainkoarekin

eta gera zaitezkete zuen aberriarekin

eta gera zaitezkete zuen erregearekin

eta gera zaitezkete zuen jabearekin,

ze gu agintaritza guztien kontra gaudenez

Jainkoa hilko dugu,

aberria ukatzera goaz,

erregeari burua moztuko diogu

eta jabearen aginduei ez diegu men egingo.