Zerutik infernuan ikusiko zaituztet

Nik merezi ez nuena

izan badut

eta

nik merezi dudana

izan ez badut,

zuek

merezi ez duzuena

ez duzue izango

eta

zuek merezi duzuena

izango duzue.

Euskal idazle baten hitza

Nik
honaino
esaten dudanean
honaino da
eta
nik
honaino
esaten ari zaizuenez
honaino da.

Ez duzu asmatu

Nik niretzat eskatu ez dizun terapiak
nire buruko traumen
zaurien ebakiondo ikusiezinetan
egunero
non eta lanean
etengabe
jipoitu nauzuenez,
sendatu eta gogortu baino
gaixotu eta ahuldu nauzue.

Baliteke edo…

Agian
nahi duguna ezin dezakegu lortu,
baina,
nahi dugun hori lortzeko
nahi dugun horri eta nahi dugun horrentzat
dena emateko prest egoteaz gain
dena eman behar dugu.

Begia begiagatik eta hortza hortzagatik

Enperadore erromatarrek

Koliseoan Erromaren justizia egiten zuten bezala,

erresistentziaren iraultzaileok

kalean borrokatuz justizia egin beharko genuke.

Txarrenaz eta onenaz

Eraso gehien jasaten duena

txarrena bada,

txarrena delako den bezala,

eraso gehien jasaten duena

onena bada,

onena delako litzateke.

Laguntza eta guztia egin

Egia da, egia, egia

iraultza aurreko aldaketa, bitartekoa eta ostekoa

gugandik hasi behar dela,

baina

egia da, egia, egia

gutako batek iraultza aurreko aldaketa, bitartekoa eta ostekoa egiteko zailtasunak badauzka,

gutako baten batek edo batzuek edo denak

gutako horrek iraultza aldaketa, bitartekoa eta ostekoa izan ditzan

laguntza osoa eskaini behar diogu eta gure eskura dagoen guztia egin behar dugu.

Opatze onak

Urte berria,

irakurle kutun,

urte zaharra baino hobea

eta urte berria eta gero etorriko zaizkizun urte berriak

baino txarragoa izan zaizula

nire bihotzaren euskal jatortasunez

opa dizut

eta zuk niri zer opa didazun jakiterik gustatuko litzaidake.

Platonen kobazulo modernoa

Interneten edo Sareen sarean

mundu osoa eskura eta begien aurrean daukagula

esaten ohi digute,

baina,

ez gaitezen joan pentsatzera

Interneten edo Sareen sarean

eskura eta begien aurrean daukagun mundua

mundua denik

ezta are gutxiago

amesten dugun mundua izan daitekeenik.

Lehen lerroko olerkaritik musikazale amorratuari

Abestera eta dantzatzera eramaten ez gaituen musika

edo triste gaudelako da

edo musika txarra delako

edo ez dakigulako ez abesten ezta dantzatzen

eta zurekin

zure abesti kutunenak eta nireak

ohearen gainean zutunik bata bestearen aurrean egonik

batera abestea eta dantzatzea gustatuko litzaidake

burkoekin borrokatzen dugun bitartean.