Zure ahotsaren ezti-gozotasunak
belarriak bizipozaz betetzen dizkit,
zure ezpainen irribarreek, irriek eta barre-algarek
bihotza maitemintzen dizkidate,
zure aurpegiaren alaitasunaren distirak
gorputza poztasunaz beteta edukitzera narama,
zure ilearen mugimendu dantzariak
nire eskeleto zuriari zure dantzen pausoak jarraitzera eramaten diote,
zure begien izarren distirak
nireetara argi izpiak dakarzkit,
baina zure euskaltasunaren planta eta loreek
zugandik erotuta gera nadila lortzen dute.
Gaixotasun mentala
eta bihotzekoa
pairatu eta gero
nire buruko bakea galtzeko prest ez nago
eta bihotza ez daukat gerrarako,
beraz atera ondorioak.
Maite dut
erorketak eta berrerorketak izan eta gero
altxatzen eta berraltxatzen dena
jakinik
berriz ere
erori eta berrerori
eta altxatu eta berraltxatu
beharko dela,
maite dut.
Badakizu
heltzen zaren puntu horretara
non
askatasun osoz
zerbaiti
ezetz eta agur betirako
esaten diozun,
ba
ezetz eta agur.
E, euskaldun,
adi arretaz eta ondo,
hil arte
euskaraz bizitzera
ausartzen ez zaren arte,
ez duzu askatasuna ezagutuko
eta ez zara aske sentituko,
adi arretaz eta ondo,
e, euskaldun.
Beldurrak, traumak, zalantzan eta akatsak,
beldurrak,
zure beldurrak beldurrak izaten utziko dute
beldurrei aurre egingo diezunean eta beldurrak zuri beldurra zauzkatenean,
traumak,
zure traumak traumak izaten utziko dute
traumei buruz beldurrik gabe hitz egiteko gai izango zarenean eta traumekin eta guzti aurrera jarraitzeko indarra daukazunean,
zalantzak,
zure zalantzak zalantzak izaten utziko dute zalantzak argituko dituzunean eta zalantzak ziurtasunetan bihurtzerakoan,
akatsak,
zure akatsak akatsak izaten utziko dute
akatsetatik on egitera ikasiko duzunean eta akatsak egiten eta akatsetatik ikasten jarraituko behar duzula barneratzerakoan,
beldurrak, traumak, zalantzak eta akatsak.
Zer dute bizitza eta idatziak amankomunean?
Ba bai bizitzak eta bai idatziak
hasiera, garapena eta amaiera dutela,
baina bizitzaren amaieraren ondoren
beste bizitza baten hasiera baden ala ez ez dakigu,
baina idatzien amaiera, askotan, beste idatzi baten hasiera dira.
Adierazpen askatasunaren eskubidea izango dugu olerkariok,
baina adierazpen askatasunaren eskubidea erabilita
entzun nahi dituzten egiak esaten baditugu,
adierazpen askatasunaren eskubidea daukagula esaten digun Estatuak
gure kontra dituen baliabide legal guztiak erabiltzen ditu
eta askotan ilegalak direnak ere.
Azterketa baten aurrean
azterketa gainditzea
edo ez gain
azterketara ez aurkezteko
aukera ere bada:
nik gabon hauetan egingo dudana.
Porruak
porruak ez direnez
bakezaleok
gudariak ez gara izango.
GILLERMO ANSORENA 