Yearly Archives: 2022

Apustu egiteaz

Burua galdu nuenean
nire zaldi galtzaile eroaren alde
ez zenuten apustua egin,
zuen zaldi burutsu irabazlearen alde bai, ordea,
eta
burua aurkitu dudanean
zuen zaldi galtzaile eroaren alde
ez duzue apustua egin,
nire zaldi burutsu irabazlearen alde, bai, ordea
eta horri
perretxikoetara eta rolexetera egotea
deitzen zaio izenik ez duenean.

Olerkigaia, olerkia

Guztia eta ezer ere ez,
guztia,
olerkia guztia da
eta guztia da olerkia,
guztia,
guztia eta ezer ere ez,
ezer ere ez,
olerkia ezer ere ez dena ez da
eta ez da ezer ere ez den olerkia,
ezer ere ez,
guztia eta ezer ere ez.

Bizitzara etortzeaz eta bizitzatik joateaz

Bizitzara ezerekin gatoz

eta bizitzatik ezerekin joaterik baino ez dugu

edo bizitzara guztiarekin etorri

eta bizitzatik guztiarekin joango gara

edo bizitzara guztiarekin etortzea

eta bizitzatik ezerekin joatea suertatu zaigu

edo bizitzara ezerekin etorri

eta bizitzatik guztiarekin joango ginateke?

Zuk zer uste duzu?

Iraultzei buruz

Iraultzak,

iraultzak

bihotzen ametsen lehen taupadekin hasi beharko genituzke,

iraultzak,

iraultzak

buruen amets gorpuztuen azken taupadekin ez genituzke amaitu behar,

iraultzak,

iraultzak

bihotzen ametsen lehen taupaden eta buruen amets gorpuztuen azken taupaden artean

arimen energiaren lehen izpiarekin eta gorputzen materiaren azken mugimenduarekin

egin beharko genituzke,

iraultzak,

iraultzak.

Galdera pare bat

Zeruko hodei zurietatik datozen

euri tanta gardenak eta gozoak

itsasoko ur tanta garden eta gazituetan

bilakatzen badira

zeruko izarretatik datozkigun

izpi zuriak eta distiratsuak

lurreko une argitsu eta beroetan

bilakatzen dira?