Itsasdantza

Itsaso bizi
baten txalupa olatuz
olatu dantzan.

Baserri artean…

Zelai berdea,
segalaria segan
sast, sast, sast, sast.

Zergatien bila

Onegiak garelako gertatzen zaigu gertatzen zaiguna

edo txarregiak direlako akaso?

Haratago

Egunero idazten duen idazlea izanik

ez noake esatera idaztea lan lantsua ez denik,

baina,

egunero idazten duen idazlea izanik

ez noake esatera idaztea lan lantsua ez denik bakarrik,

aldi berean

egunero idazten duen idazlea izanik

egunero idaztea nire bizimodua eta bizipoza dela esatera noakizu ere.

Zergatiagatik galdezka

Zergatik,

ez dut ulertzen,

norbaitek azaldu diezadala,

zergatik

errugabeak errudunak sentitzen dira eta errudunak errugabeak,

zergatik,

norbaitek azaldu diezadala,

ez dut ulertzen,

zergatik.

Itaunzale

Umoretsu eta umorezalea izatea

eta tragikoei eta tragedia jasan behar

edo tragikoa eta tragediazale izatea

eta umoretsuei eta komedia jasatea

ez dakit zer pentsa,

baina, hangoko hura horko hori baino txarragoa dela esango nuke,

baina zuk zeuk zer esango zenuke?

Preso zein libre

Batzuetan,

logelan ohean ahoz gora etzanda errealitatera begira nagoenean

preso senti naiteke,

preso,

bestetan,

idazgelan idazmahaian eramangarriaren orri zuriaren aurrean ametsetan nabilenean

libre baino ezin naiz sentitu,

libre.

Egiaz egia

Gertatzen dena

erreala edo irreala balitz ere,

ez litzateke gertatu behar,

erreala edo irreala balitz ere

gertatzen dena.

Barkamenaren hemengoa eta hangoa

Denei barkatzeko prest nago,

baina, ez ahazteko eta berriro pasatzeko;

eta norbait inoiz mindu badut,

barka nadila.

Zalantzarik gabe…

Bizitza erraza balitz,

ez litzaidake hainbeste arduratuko nire heriotza,

bizitza zailengatik bakarrik

merezi duelako bizitza ematerik.