Bi bihotz

Bihotz txarrak

bihotzik ez dituzten

keinuak, hitzak eta ekintzak

darabilzkie

eta kontrakoa

bihotz onak.

Onenaz eta txarrenaz

Onena egitearen ordaina

txarrena jasotzea denean,

txarrena egitearena

onena litzateke?

Erantzulerik…

Irudipenak
edo errealitatea,
hor dago koska.

Euskal Herriaren ihesaldia

Aitaren eta amaren etxea
babestuko dugu,
baina
dena eman behar zaionez maite den askatasunari
hobe genuke
etxea
kartzela arrotzetatik
aterako bagenu.

Zalantzaka

Ai, bihozkadak
bai esanez ta ezer
jakintasunak.

Gudariok…

Askatasunez
erabakia hartuz:
ez da bakerik.

Justiziari buruz

Jainkoan
ez dut sinesten,
baina
Jainkorik baldin bada,
guk justizia egiten ez dugunez
behintzat
egin dezala berak.

Bata eta bestea

Hitza eta musika

iraganera eta etorkizunera

joateko daukagun

era bakarra dira.

Gero eta gehiago…

Hegazkina hegan

gau isilaren bake

soinua urratzen…

Erantzunka

Hatz lodiaz

heriotza keinua

egiten digutenei,

bihotz hatza

erakutsi

diezaiegun.