Eraz era

Datozen eran doaz,

onetan badatozkigu

onetan dihoazkiguke

eta

txarretan baletoz

txarretan lihoake,

datozen eran doaz.

Zalantza barik…

ETB 1 gabe
telebista ikustea
aspergarria…

Inoiz ere ez

Bai batzuek
eta bai besteek
gauza txar bera
egiten jarraitzen dutenez,
aldatu dudan bakarra
neu naiz
eta nire aldaketa
eurekin inoiz ere ez biltzea da.

Garaiezinak eta garaigarriak

Begiak eta belarriak

Estatuen benda beltzekin eta tapoi estuekin ixten dizkigute

eta hotsak eta ahoak

Estatuen Esparatrapu zikinekin isilarazten dizkigute

eta sudurrak eta sudur-zuloak

Estatuen pintza eta kotoi mingarriekin estaltzen dizkigute

eta eskuak eta oinak

Estatuen kate nazkarriekin lotzen dizkigute

eta gaitz horiek garaiezinak dirudizkiguten arren, garaigarriak dira,

eta garaigarriak izateko ez, garaitzeko

egin Ahal dugun guztia baino gehiago egin beharko dugu.

Laboari

Hegoak ez nizkioke ebakiko

ez soilik txoria izan zedin,

baizik eta

zeruan zehar askeki hegan egin zezan.

Beste gauzen artean…

Nik zuri eskua

eskatuko nizuke

musukatzeko.

Poesiak eta poemak

Idazleon zeruan

poesiak

hodei zurien ur tanta gardenak dira

eta

idazleon infernuan

poemak

sumendien odol gorri biziak.

Hiru hitzetan

Baten, bitan, hirutan,

baten,

Hitz baten,

euskaraz,

bitan,

bi hitzetan,

euskaraz biziz,

hirutan,

hiru hitzetan,

euskaraz biziz askatasuneraino,

baten, bitan, hirutan.

Gora musika

Lagun min batek

gomendatzen dizun

rock taldea.

Askatasuna eta askotasuna

Eta, eta, eta

askatasunaren lagunak eta maitaleak

askotasunaren alde gaude

eta, eta, eta

askotasunaren lagunak eta maitaleak

askatasunaren alde gaude be,

eta, eta, eta

askatasunaren lagunak eta maitaleak

askatasunaren askotasuna maite dugu

eta, eta, eta

askotasunaren lagunak eta maitaleak

askotasunaren askatasuna maite dugu ere,

eta, eta, eta…