Yearly Archives: 2022

Frontwomani

Zuk agian ez duzu gogoratuko,

baina gabon zahar gau batean

Durangoko Kafe Antzokian

dantzan geunden bitartean

musikaz hitz egiten egon ginen

eta hain polita zeundenez

nik garai hartan neska-laguna neukan arren

zurekin

musikaz hitz egitetik

maitasuna egitera joateko nahiak izan nituen,

baina,

ze pena…

Idazleon ahotsaz

Idazleok

beste idazleen ahotsak entzunda

geure ahots propioa aurki dezakegu,

baina

idazleok

beste idazleen ahotsei geure belarriak itxiz

eta garen idazlearen ahotsari belarriak zabalduz

geure ahots propioa aurkitu ahal dugu ere.

Zeu…

Nirekin bazina, nirekin,

nire bihotzeko ohean leku bat egingo nizuke batera amestu gintezen,

nirekin bazina, nirekin

nire buruko neurona guztiak zugatik galduko nituzke,

nirekin bazina, nirekin

nire ahoko hitz politenak zuretzat liratekeen bezala nire ezpainetako muxu sentikorrenak zuretzat izango ziran,

nirekin bazina, nirekin,

nire eskuen atzamarren laztanik leunekin maite zaitut bat zure azalean idatziko nuke,

nirekin bazina, nirekin

besoekin maiteminduen besarkadarik eguzkitsuena emango nizuke,

nirekin bazina, nirekin

nire begiak zugana joango litzaizkidakeen itxita baneuzka ere,

nirekin bazina, nirekin,

zurekin nengoke

eta gurekin geundeke,

nirekin bazina, nirekin…

Zein

Gerran

lehenengo biktima

bizitza bera da

gerran

lehenengo hiltzailea

heriotza den bezala

eta

bakean

zein litzateke

lehenengo zorionekoa eta zein lehenengo bizitzailea?

Ba al zaude prest

Berbaz berba,

notaz nota

kolorez kolore,

aromaz aroma,

irudiz irudi

eta ametsaz amets

munduari

beste izen,

nota,

kolore,

aroma,

irudi

eta amets

emango diogu,

Berbaz berba,

notaz nota,

kolorez kolore,

aromaz aroma,

irudiz irudi

eta ametsaz amets…