Pena, baina…

Benetakoa dena
gezurrezkoa dirudi
eta
gezurrezkoa dena
benetakoa.

Ezinezko…

Dauzkagun
politikari eta alderdi politikoengatik
askatasuna ez zaigu etorriko.

Zuzena delako…

Osasun txarrenekoari
maitasun ona.

Zorretan

Kendu diguten guztia
itzuliko baligute
gurekin zorretan leudeke.

Gerediagakoak

Atzo etxean
argazki lapurrak
handik hara
ibili ziren.

Jantzi eta jantzi

Otsoak
ardiez janzten badira,
ardiak
otsoez jantziko beharko lirateke

Egin eta ez egin

Nahi dutena
eskubiderik eduki gabe
egiten dutenek
nahi duguna
eskubiderik edukiz
ez digute egiten uzten.

Airetik…

Lehergailuekin
etorri zirenek
eskuetan
odolarekin joan ziren.

Ikaragarria

Gurekin
ez zuten asmatu
eta
akats ikaragarria
egin zuten.

Gustukoez

Gustatzen zaiena
ez zait gustatzen
eta
gustatzen zaidana
ez zaie gustatzen.