Nabari

Hain aurreikusteko modukoak direnez

sinestezinak izateaz gain

nazkagarriak eta aspergarriak dira,

hain aurreikusteko modukoak direnez.

Esanahiez

Berbei

esanarazi diegunetik

berbak

esanarazi digutenera

esanahi ezberdinak doaz.

Utziko eta sartuko

Bakean utziko bagintuzte,

gerran ez geundeke

eta

gerran sartuko ez bagintuzte,

bakean egongo ginateke.

Zelan zein zelan

Hain txarrekotzat

har gaitzaten

hain onak

zelan izan gaitezke

eta

hain onekotzat

har ditzaten

hain txarrak

zelan izan daitezke.

Denontzako legea

Inork

ez du bizitzen

bizi ditzakeen

ez gehiagorik ezta gutxiagorik.

Prestakuntza gabe

Kolperik gogorrenerako

presta zaitezkete,

baina

kolpeak

prest ez zaudetela

irakatsiko dizue.

Gutxienez, gutxienez

Musu bakoitzean
bihotz maitasunaren taupada
bat doa.

Banantzeaz

Zuen bideak

ez naizenera neramanean

eta

nire bideak

naizenera eramaten ninduenean

zure bidea eta nire bidea

betiko banandu ziren.

Ehiztaria eta olerkaria

Ehiztariak

bere harrapakina

jo puntuan daukanean

harrapakinari ihes egitea

uzten ez dion bezala

olerkariak

poesiaren bat

bere izateari bueltaka daukanean

poesiari ihes egitea

ez dio uzten.

Denbora hartzeaz

Har ezazu

behar duzun

denbora guztia

zure denbora

hel zaizun arte.