Adorerik ez

Euskaldun sortzaileei
adoreak
ematen ez dizkiotenekin
ez daukagu
ezer egiterik.

Mehatxua

Edo maletak agertzen dira
edo antzezlana Granadara doa.

Agur, politika, agur

Lapurreta hori
inoiz ez ahaztuko ez dudan bezala
inoiz ez zoazte ahaztera
garesti ordainduko duzuelako.

Umilak eta harroputzak

Askotan
balio handiko pertsonak
umilak dira
eta
askotan
balio txikikoak
harroputzak.

Etxe barruan

Lapurrak kaletik datozela

pentsatzen ohi dugu gehienetan,

baina askotan

lapurrak etxe barruan daude.

Gurea eta besteena

Gure heriotza ez da ezer
maite ditugun
pertsonen heriotzarekin
konparatuz gero.

Hiru gauzatxo

Batzuetan
hitz polit bat,
besarkada bat
eta musu bat
baino ez ditugu behar,
batzuetan.

Eginikoak

Txarto egin ditudan
txikikeriak
eta
ondo eginiko
handikeriak
edo alderantziz da?

Zure bihotzaz

Gogortu ezazu
zure bihotza
bere sentiberatasuna
galdu gabe
edo
sentsibilizatu ezazu
zure bihotza
bere gogortasuna
galdu gabe.

Bitaminaz

Izan bitamina
dioskute,
baina
bitaminaren faltan gaude.